سوراو یه‌ ‌‌کى له‌‌‌ هه‌‌‌‌زاران قوربانى به‌‌‌عس

شوڕش شاواز: دویاى یه‌‌‌گ ماوه‌‌‌یه‌‌‌گ له‌‌‌ شار به‌‌‌غدا مه‌‌‌نم، له‌‌‌ شوون قه‌ومه‌‌‌یلم گه‌‌‌ردیم و له‌‌‌ هه‌‌‌ر جێیگ سه‌‌‌ردام تا بوینمانه‌و، هێمان قسیه‌‌‌یل باوگم له‌‌‌ ناو گووشم بوى، ک گه‌‌‌پ مه‌‌‌موه‌‌‌یلمدا و منیش له‌‌‌ ڕوى قه‌ومى و یه‌‌‌گ بزانم هانه‌‌‌ کوو چه‌‌‌ که‌‌‌ن فره‌‌‌ موشتاقویم بوینمان.   

 ده‌‌‌رفه‌‌‌تى هاته‌‌‌ دى تا ماڵ یه‌‌‌کى لێیان دیمه‌و. وه‌‌‌ختى چێمه‌‌‌ لاى مه‌‌‌مو دیم پا ناسه‌‌‌ له‌‌‌ پله‌‌‌ى پیرى و پشتێ چه‌‌‌میایه‌‌‌ و عه‌‌‌ینه‌‌‌کى ها له‌‌‌ بان چه‌وه‌‌‌ى و وه‌‌‌ زوور دویند. دویاى که‌‌‌یف خوه‌‌‌شى و نیشتن له‌‌‌ لاى مه‌‌‌مو، ئاموزایل له‌‌‌ کوردى من نه‌‌‌ڕه‌سینه‌و وه‌‌‌ قسیه‌‌‌لمان ئه‌‌‌را یه‌‌‌گ ته‌‌‌رجومه‌‌‌کردن. ئه‌و شه‌وه‌‌‌ نیشتمه‌‌‌ لاى مه‌‌‌مو، وه‌‌‌تم مه‌‌‌مو تو بوو باوگم و قه‌ومه‌‌‌یلم ده‌‌‌ید، ئه‌‌‌رام گه‌‌‌پ به‌‌‌یه‌‌‌ بزانم مه‌‌‌موم سوراو ه‌ا له‌‌‌ کوو؟

مه‌‌‌مو ئاخێ له‌‌‌ بن دڵه‌و ه‌اروده‌‌‌ بان و وه‌‌‌ت: ڕوڵه‌‌‌، مه‌‌‌موت سوراو له‌‌‌ ساڵ هه‌‌‌شتاد به‌‌‌عس برده‌‌‌ى‌ و بێ سه‌‌‌ر شوونێ کرد. منیش له‌‌‌ لێ پرسیم: مه‌مو چوین زانید به‌‌‌عسیه‌‌‌یل گوڕ وه‌‌‌ گوڕ سه‌‌‌راوه‌‌‌نوینێ کردن؟ مه‌‌‌مو وه‌‌‌ت: مه‌‌‌مود ناوێ سوراو بوى، ئه‌‌‌را یه‌‌‌گ نه‌‌‌زانن کورده‌‌‌ و ئه‌و سه‌‌‌رده‌‌‌میشه‌‌‌، ئیمه‌‌‌ وه‌‌‌ ته‌‌‌بعیه‌‌‌ى ئێرانى ناو له‌‌‌ سه‌‌‌رمان بوى، جه‌‌‌نگ عێراق و ئێرانیش له‌‌‌ گه‌‌‌رمو گۆڕ بوى.

مه‌‌‌مودیش ناو خوه‌‌‌ى ئاڵشت کرده‌‌‌ که‌‌‌ریم، وه‌‌‌لى ماوه‌‌‌ى فره‌‌‌ى پێ نه‌‌‌چێ، وه‌‌‌ مه‌‌‌مه‌‌‌ر یه‌‌‌گ عه‌‌‌ره‌وێ خاس نه‌‌‌زانس و دیاروى کورده‌‌‌، ئه‌‌‌مجا وه‌‌‌ که‌‌‌ریم کوردى ناو ده‌‌‌ر کرد. سوراو مه‌‌‌مومد ک ئینگه‌‌‌ که‌‌‌ریم کوردى ناوى بوى، له‌‌‌ نانواخانه‌‌‌ى، نانکه‌‌‌ر بوى و له‌‌‌یوا ژیان خوه‌‌‌ى وه‌‌‌ ڕیه‌و برد. وه‌‌‌لى ماوه‌‌‌یگ نه‌‌‌گوزه‌‌‌یشت نیه‌‌‌زانم وه‌‌‌ چ مه‌‌‌مه‌‌‌رێگ گرتنه‌‌‌ى و بردنه‌‌‌ى. منیش زیه‌‌‌ڵگ نیاشتم له‌‌‌ شوونێ بچم و خوه‌‌‌میش کوردێگ بویم و ئه‌‌‌را یه‌‌‌گ ژن و مناڵم نه‌‌‌که‌‌‌فنه‌و ڕى خودا، وه‌‌‌ پویلدان وه‌‌‌ یه‌‌‌که‌و ئه‌وه‌‌‌که‌‌‌ تواسم بزانم براگه‌‌‌م ها له‌‌‌ کوو؟ وه‌‌‌لى هه‌‌‌ر چێ گه‌‌‌ردیم، چمانێ ئاویارى زه‌‌‌ل کردم و هویچ ئه‌‌‌نجامێ نه‌‌‌که‌‌‌فته‌‌‌ ده‌سم. تا دویاى شه‌‌‌ش مانگ دیم مه‌‌‌مود سوراو هاوردنه‌‌‌ى ئه‌‌‌را ده‌‌‌رماڵم، من و مه‌‌‌موژنت چه‌‌‌یمه‌و ده‌‌‌یشت و دیمن چوین داوڵیگ دێرن په‌‌‌له‌‌‌کڕنێ که‌‌‌ن و له‌‌‌ سیاره‌‌‌گه‌‌‌یان هاوردنه‌‌‌یه‌و خوار، دى ئاز له‌‌‌ گیانى نه‌‌‌مه‌‌‌نویگو وه‌‌‌ زوور هه‌‌‌ناس کیشا‌. یه‌‌‌کى‌ له‌و سه‌‌‌ربازه‌‌‌یل به‌‌‌عسیه‌‌‌ وه‌‌‌ت: ئیره‌‌‌ ماڵ براى سورا یا که‌‌‌ریم کوردییه‌‌‌، خوه‌‌‌م و ژنه‌‌‌م ڕه‌‌‌نگ له‌‌‌ رزقاڵمان نه‌‌‌منو له‌‌‌ ناو زگه‌و په‌‌‌ل په‌‌‌له‌و بویمن، هه‌‌‌ر دوگمان چوى که‌‌‌ڕوڵال به‌‌‌روارد سوراو گرتیم ک چه‌‌‌ بویشیمن، سوراو وه‌‌‌ نزه‌‌‌ گیانێگه‌و‌، چه‌وى ئه‌ڵاوردپیمانه‌و وه‌‌‌ ئشاره‌‌‌ى چه‌و و ئه‌‌‌بروى وه‌‌‌ته‌‌‌ پیمان: بویشن نه‌‌‌. ئه‌‌‌ى ئشاره‌‌‌ من و مه‌‌‌موژنت گرتیمن و مه‌مو ژنت ده‌سپاچه‌‌‌ بوى و وه‌‌‌رجله‌‌‌ یه‌‌‌گ من بامه‌و ده‌‌‌نگ، من و مه‌‌‌مو ژندیش ئه‌‌‌ى ئه‌‌‌شاره‌‌‌ى سوراوه‌‌‌ گرتیمن و بێ ده‌‌‌نگ وسایم. ئه‌‌‌مجا یارو کابراى به‌‌‌عسى خوریا وه‌‌‌ ملمانا ئه‌‌‌را جواوه‌و نیه‌‌‌ین؟ ژنه‌‌‌م وه‌ ده‌سپاچه‌‌‌یه‌‌‌و ئاو ده‌‌‌م خوه‌‌‌ى قویتا داو وه‌له‌‌‌رزه‌‌‌ له‌‌‌رز هاته‌و جواو وه‌‌‌ت: ڕاسه‌‌‌ یه‌‌‌ ماڵ کوردێ بویه‌‌‌ ئینگه‌‌‌ له‌‌‌یره‌‌‌ بار کردیه‌و ئیمه‌‌‌ هاتیمه‌سه‌‌‌ ژێر ئه‌‌‌ى ماڵه‌‌‌!.

 یارو به‌‌‌عسى ک ئه‌‌‌ى پرسیاره‌‌‌ کرد، سه‌‌‌رێ له‌‌‌قان و وه‌‌‌ت: هه‌ر چه‌‌‌ن زانم دروو ئویشى وه‌‌‌لى قه‌‌‌ى نیه‌‌‌که‌‌‌ید، قه‌‌‌بولى که‌‌‌م و سوراو وه‌‌‌ پله‌‌‌کڕن کردن، له‌‌‌ نوو خسنه‌‌‌ى ناو سیاره‌‌‌گه‌‌‌ى ئیستخبارات و بردنه‌‌‌ى‌، دویاییش ئه‌وه‌‌‌ ڕووژێگه‌‌ ک مه‌‌‌مود بردن ‌و ئمڕوو ڕووژگه‌‌‌، ک دى سوراو وه‌‌‌ چه‌و نیه‌وینیمن و نه‌‌یمه‌سه‌‌‌ى. دویا یه‌‌‌یشه‌‌‌گ قسیه‌‌‌ى ته‌‌‌مام بوى، هه‌‌‌ر دو ده‌س برده‌و بان و چڕیه‌و خودا و وه‌‌‌ت: خودا ناڵه‌‌‌تت بکه‌‌‌ید سه‌‌‌دام مه‌‌‌لعون و دارو ده‌سه‌‌‌د.

 منیش وه‌‌‌ختى ئه‌‌‌ى هاڵ و هه‌‌‌کایه‌‌‌ته‌‌‌ ژنه‌‌‌فتم فره‌‌‌ پیم ناخوه‌‌‌شوى و دى ئاوێ بوى ک ڕشیاوید و گرده‌و‌ نیه‌ود وه‌ منیش ده‌‌‌ره‌‌‌قه‌‌‌ت نه‌‌‌مردن یا زینیه‌و کردن که‌سى نیه‌‌‌تیه‌‌‌م و چێشتێگه‌‌‌ ها وه‌‌‌ل ئایه‌‌‌ما هه‌‌‌ر که‌س ڕووژێگ زاى، ڕووژێگیش مرى.

ئمجا یه‌‌‌ که‌‌‌فته‌‌‌ هویرم ک دووسێیه‌‌‌ى ئه‌‌‌نفال کورد فه‌‌‌یلى له‌‌‌ دادگا واز بویه‌‌‌ و ه‌انه‌‌‌ شوون ئه‌‌‌ى جووره‌‌‌ که‌‌‌یسه‌‌‌یلێگ تا ئه‌‌‌ى زوڵمه‌‌‌یله‌‌‌گ وه‌‌‌ سه‌‌‌ر کورد هاوریایه‌‌‌ ئاشکرا بووده‌و ه‌قووق ملله‌‌‌تێگ بنده‌س ک ئه‌‌‌ى هه‌‌‌مگه‌‌‌ تاوانه‌‌‌ له‌‌‌ سه‌‌‌ریان کریایه‌‌ وه‌‌‌ کامین مه‌‌‌مه‌‌‌ر و ئه‌‌‌را له‌‌‌یوا پێان کردنه‌‌‌ و هه‌‌‌قه‌‌‌یلیان له‌‌‌ى دادگا مسۆگه‌‌‌ر بکه‌‌‌ن و ئه‌‌‌ى تاوانه‌‌‌گ له‌‌‌ هه‌‌‌ق کورد کریایه‌‌‌ وه‌‌‌ تاوانى دژ وه‌‌‌ ئینسانییه‌‌‌ت له‌‌‌ قه‌‌‌ڵم به‌‌‌درێه‌‌‌ید و دونیایش بزانن ته‌‌‌نیا تاوان ئه‌‌‌ى هه‌‌‌مگه‌‌‌ ئایه‌‌‌مه‌‌‌ ته‌‌‌نیا کورد بوینیان بویه‌‌ و به‌س‌‌!.

منیش وه‌‌‌تم: مه‌‌‌مو ئینگه‌‌‌ ئه‌‌‌ى که‌سه‌‌‌یله‌‌‌گ بێ سه‌‌‌روشوون کریانه‌‌‌، لایه‌‌‌ن کورد که‌‌‌فتنسه‌و شوونێ و پارێزه‌‌‌رێگ(مه‌‌‌حامى) ئه‌‌‌راى گرتنه‌‌‌ تا ئه‌‌‌ى تاوانه‌‌‌یله‌‌‌ بڕه‌سننه‌‌‌ جێ درسێ و کاره‌ساتێ ئه‌‌‌ى جووره‌‌‌ کاره‌‌‌یلێ ک وه‌‌‌ سه‌‌‌ر کورد هاتیه‌‌‌، بخنه‌‌‌ى نواى چه‌و و ڕاى گێشتى تا دونیا بزانن کورد چه‌‌‌ وه‌‌‌ سه‌‌‌رى هاتیه‌‌‌و تاوانى چه‌‌‌ بویه‌‌‌ له‌‌‌یوا وه‌‌‌ پێان کردنه‌‌‌؟ مه‌‌‌مو کرده‌و جوواو: ڕوڵه‌‌، مه‌‌‌مود خودا هاوردیه‌و خوه‌‌‌یشى برده‌‌‌ى!. وه‌‌‌تم مه‌‌‌موگیان ئه‌‌‌ى قسیه‌‌‌ تنه‌‌‌ دروسه‌‌‌ ک خودا تیه‌‌‌رده‌‌‌مان و خوه‌‌‌یشى به‌‌‌یده‌‌‌مان، وه‌‌‌لى له‌‌‌ى دونیا ئیمه‌‌‌ى کورد چوى ئینسانێگ چ گونا و خه‌‌‌تاى کردویمن تا له‌‌‌یوا پیمان بکه‌‌‌ن؟ مه‌‌‌مو وه‌‌‌ت: کوڕم، من یانه‌‌‌گ تو ئویشى له‌‌‌ تو خاستره‌‌‌ک زانمان، وه‌‌‌لى یه‌‌‌ى چێشت هه‌س وه‌‌‌یشه‌‌‌ یه‌سه‌‌‌ یانه‌‌‌ دگان وه‌‌‌ کورد بوین ئیمیا‌ نیه‌‌‌نه‌ن‌‌و له‌‌‌ لاى تریشه‌و مه‌‌‌مود خوو شناسنامه‌‌‌ نێاشتیه‌‌‌و هه‌ وه‌‌‌ واى خودا ژیان کردیه‌‌‌، ئمجا ئینگه‌‌‌ بچیم ئه‌‌‌را مه‌‌‌حکه‌مه‌‌‌ و شکایه‌‌‌تى بکه‌‌‌یمن له‌‌‌ کوو به‌‌‌ڵگه‌‌‌ باریمن ک مه‌‌‌مود له‌‌‌یوا وه‌‌‌ پێ کردنه‌‌‌و وه‌‌‌ سه‌‌‌رهاته‌‌‌گه‌‌‌ى هه‌‌‌قیقه‌‌‌تێگه‌‌‌‌!؟ وه‌‌‌رده‌وام کرد و وه‌‌‌ت: ئه‌‌‌ى کاره‌‌‌ له‌‌‌ ساڵ هه‌‌‌شتا بویه‌‌‌ و تا ئینگه‌‌‌ دویاى چه‌‌‌نێ چه‌‌‌ن ساڵه‌‌‌گ وه‌‌‌ سه‌‌‌ریا چێیه‌‌‌ و کارێگ  فره‌‌‌ زامه‌‌‌ته‌‌‌؟ ئمجا ئه‌وانه‌‌‌یش ک ناسنه‌‌‌ى خوو ئینگه‌‌‌ هویچ کامیان زینگ نین تا بانه‌‌‌ دادگاو له‌وره‌‌‌ شاتى بیه‌‌‌ن و ئه‌‌‌گه‌ریش زینگون، ئه‌‌‌ى شه‌ڕ تایفى و له‌‌‌ ناو چێین سه‌‌‌دام گوڕ وه‌‌‌ گوڕه‌‌‌، گێشتێ په‌‌‌خش و په‌‌‌ڵاوه‌و کردیه‌‌‌و که‌س له‌‌‌ جێ خوه‌‌‌ى نه‌‌‌مه‌‌‌نیه‌سه‌‌‌ى و ته‌‌‌مامى ته‌‌‌رفاوه‌‌‌توین بوینه‌‌‌، منیش ڕوڵه‌‌‌ خو پیر بویمه‌و نیه‌‌‌تویه‌‌‌نم ڕى بکه‌‌‌م و بچم ته‌‌‌مام به‌‌‌غدا بگردم، بزانم که‌سێ له‌وانه‌‌‌گ ناسێگه‌‌‌ى هابان دونیایه‌و یانه‌.

 ئه‌‌‌مجا منیش وه‌‌‌ ئاخى سه‌‌‌رده‌و دى نه‌‌‌زانسم چه‌‌‌ بویشم!؟. له‌‌‌ لاى خوه‌‌‌م هویره‌و کردم وه‌‌‌تم: ئێسنانێگ له‌‌‌ ناو چوودو هه‌‌‌زاران ئه‌‌‌شکه‌‌‌نجه‌‌‌ لێ که‌‌‌نو ئاخریشێ به‌‌‌ن خه‌‌‌نه‌‌‌ى جێ ک که‌س نیه‌‌‌زانى قه‌وره‌‌‌گه‌‌‌ى هاکوو!؟. ئمجا بایم له‌‌‌ سه‌‌‌ر یه‌‌‌ هویره‌و بکه‌‌‌یم، چه‌‌‌ن سوراو وه‌ که‌‌‌ریم کوردى بوى له‌‌‌یوا له‌‌‌ ناوبریانه‌‌ و کوشیانه‌‌‌ ک نه‌‌‌ شناسنامه‌‌‌ داشتنه‌‌‌و نه‌‌‌ له‌‌‌ى دونیا شوون و نوونیان دیاره‌‌‌؟ ئینگه‌‌‌ خاس له‌‌‌ سه‌‌‌ر یه‌‌‌ هویره‌‌‌ بکه‌‌‌یم ئه‌‌‌ى کورد فه‌‌‌یلییه‌‌‌ چوین که‌‌‌فتیه‌سه‌‌‌ وه‌‌‌ر قه‌‌‌ڵوقام و تا ئینگه‌‌‌یش ده‌‌‌نگیان که‌س نیه‌‌‌شنه‌وێگو ئیسنانیه‌‌‌ت له‌‌‌ وه‌‌‌رایوه‌‌‌ریان وه‌‌‌ خامووشى  بێ ماناێگه‌و ئه‌‌‌را خوه‌‌‌ى وساس و‌ کش له‌‌‌ خوه‌‌‌ى بڕیه‌‌، تاوان و خه‌‌‌تا چه‌س!؟!‌.